മലപ്പട്ടം :- പി ജി മലപ്പട്ടം എന്ന മലപ്പട്ടത്തെ പുത്തലത്ത് ഗോവിന്ദൻ (91) നിര്യാതനായി. കവി, കഥാകൃത്ത്, സംഘാടകൻ, പത്ര റിപ്പോർട്ടർ, യുക്തിവാദി, പ്രസംഗകൻ, രാഷ്ട്രീയ പ്രവർത്തകൻ തുടങ്ങി നിരവധി മേഖലകളിൽ പ്രശസ്തനായ പി ജി മലപ്പട്ടം കേരളയുക്തിവാദിസംഘം, എൻ.ജി.ഒ അസോസിയേഷൻ, കേരളാസ്റ്റേറ്റ് സർവ്വീസ് പെൻഷനേഴ്‌സ് യൂണിയൻ, സംസ്ഥാന ഓതേഴ്‌സ് ഫോറം, കേരള സീനിയർ സിറ്റിസൺസ് ഫോറം തുടങ്ങിയ സംഘടനകളിൽ സജീവമായി പ്രവർത്തിച്ചിരുന്നു. ഇരുപതിലധികം വർഷത്തെ സർക്കാർ സേവനത്തിന് ശേഷം മലപ്പട്ടം ആയുർവേദ ഡിസ്പെൻസറിയിൽ നിന്ന് വിരമിച്ചു.
ഭാര്യമാർ : കെ.വി രോഹിണി (ഹെൽത്ത് ഡിപ്പാർട്ട്മെന്റ്റിൽ നിന്ന് വിരമിച്ച സിപിഎം കോവുന്തല ബ്രാഞ്ച് അംഗം, മലപ്പട്ടം സർവ്വീസ് സഹകരണ ബാങ്ക് ഡയറക്ടർ), പരേതയായ കെ.ഓമന (മേലൂർ).
മക്കൾ : കെ.വി ജയപ്രകാശ് (റിട്ടെയേർഡ്, സബ് രജിസ്ട്രാർ), മോഹനൻ മേലൂർ (റിട്ടെയേർഡ് മിലിട്ടറി), കെ.വി ജയശ്രീ (ആശാവർക്കർ),
മരുമക്കൾ : ഒ.സി മോഹനൻ (റിട്ടെയേർഡ്, കൃഷി ഓഫീസർ), പി.കെ അനിത (സീനിയർ നേഴ്സ്, തളിപ്പറമ്പ താലൂക്ക് ആയുർവേദ ആശുപത്രി), ലീന(മേലൂർ).
സഹോദരങ്ങൾ : പരേതരായ ഗോപാലൻ നമ്പ്യാർ, കുഞ്ഞികൃഷ്ണൻ നമ്പ്യാർ, കുട്ട്യപ്പ നമ്പ്യാർ, ബാലൻ നമ്പ്യാർ, രാഘവൻ നമ്പ്യാർ, നാരായണിയമ്മ.
