കോഴിക്കോട് :- എസ്.കെ.എസ്.എസ്.എഫ് സംസ്ഥാന കമ്മിറ്റിയുടെ ആതുര സേവന വിഭാഗമായ സഹചാരി റിലീഫ് സെല്ലിലേക്കുള്ള ഫണ്ട് ശേഖരണം വിജയിപ്പിക്കാൻ സമസ്ത കേരള ജംഇയ്യതുൽ ഉലമ ആഹ്വാനം ചെയ്തു. പതിനെട്ടു വർഷക്കാലമായി പതിനായിരക്കണക്കിന് രോഗികൾക്ക് ധനസഹായം നൽകാനും പ്രധാന ഹോസ്പിറ്റലുകൾ കേന്ദ്രീകരിച്ച് സഹചാരി സെന്റ്റർ സേവനങ്ങളും മരുന്ന് വിതരണവും നടത്താൻ സഹചാരി റിലീഫ് സെല്ലിലൂടെ കഴിഞ്ഞിട്ടുണ്ട്.
നിർധന രോഗികളെ സഹായിക്കുന്ന ഈ പദ്ധതിയിലേക്ക് അടുത്ത വെള്ളിയാഴ്ച നടക്കുന്ന ഫണ്ട് ശേഖരണം വിജയിപ്പിക്കാൻ മഹല്ല് ഭാരവാഹികളും ഖാസി - ഖത്വീബുമാരും സംഘടന പ്രവർത്തകരും രംഗത്തിറങ്ങണമെന്നും എല്ലാവരും ഇതിലേക്ക് സാമ്പത്തികമായി സഹായിക്കണമെന്നും പ്രസിഡന്റ് സയ്യിദ് മുഹമ്മദ് ജിഫ്രി മുത്തുക്കോയ തങ്ങളും ജനറൽ സെക്രട്ടറി പ്രൊഫ. കെ.ആലിക്കുട്ടി മുസ്ലിയാരും അഭ്യർഥിച്ചു.
