കണ്ണൂർ :- കലാഗൃഹം സംഘടനയുടെ ആറാം വാർഷികാഘോഷം നടത്തി. കലകൾ മനുഷ്യമനസ്സിനെ വിമലീകരിക്കുമെന്നും കലാപ കലുഷിതമായ ലോകത്തിന് കല ശാന്തിയുടെ കവാടം തുറക്കുമെന്നും പ്രഭാഷകൻ കെ.എൻ രാധാകൃഷ്ണൻ മാസ്റ്റർ അഭിപ്രായപ്പെട്ടു. കണ്ണൂർ മഹാത്മാ മന്ദിരത്തിൽ നടന്ന വാർഷികാഘോഷം ഉദ്ഘാടനം ചെയ്തുകൊണ്ട് സംസാരിക്കുകയായിരുന്നു അദ്ദേഹം. കലാഗൃഹം പ്രസിഡൻ്റ് നാട്യരത്നം കവിത അധ്യക്ഷത വഹിച്ചു.
ആർട്ടിസ്റ്റ്സ് വെൽഫെയർ അസോസിയേഷൻ ഫോർ കൾച്ചർ ( അവാക് ) സംസ്ഥാന പ്രസിഡൻ്റ് രാജേഷ് പാലങ്ങാട്ട് മുഖ്യാതിഥിയായി. ഗ്രന്ഥകർത്താവ് ഗംഗൻ കുഞ്ഞിമംഗലം അനുഗ്രഹ ഭാഷണം നടത്തി. മഹാത്മാ മന്ദിരം പ്രസിഡൻ്റ് ഇ.വി.ജി നമ്പ്യാർ, വല്ലി ടീച്ചർ എന്നിവർ ആശംസയർപ്പിച്ച് സംസാരിച്ചു. സംഘടനാ ജോ. സെക്രട്ടറി ടി.കെ ലീന സ്വാഗതവും സി.ഗിരീഷ് നന്ദിയും പറഞ്ഞു. തുടർന്ന് മൂന്ന് വേദികളിലായി വിവിധ ഇനങ്ങളിൽ കലാമത്സരങ്ങൾ നടത്തി.
