കൊച്ചുവേളി - മംഗളൂരു സ്പെഷ്യൽ ട്രെയിൻ സർവീസ് നവംബർ 5 വരെ നീട്ടി

തിരുവനന്തപുരം :- കൊച്ചുവേളി - മംഗളൂരു - കൊച്ചുവേളി സ്പെഷ്യൽ ട്രെയിൻ (06041 / 42) സർവീസ് നവംബർ 5 വരെ നീട്ടി. മംഗളൂരു ജംക്ഷനിൽ നിന്നു വ്യാഴം, ശനി ദിവസങ്ങളിൽ രാത്രി 7.30ന് പുറപ്പെടുന്ന ട്രെയിൻ പിറ്റേന്നു രാവിലെ 8ന് കൊച്ചുവേളിയിലെത്തും. 

കൊച്ചു വേളിയിൽ നിന്നു വെള്ളി, ഞായർ ദിവസങ്ങളിൽ വൈകിട്ട് 6.40 ന് പുറപ്പെടുന്ന ട്രെയിൻ പിറ്റേന്ന് രാവിലെ 7ന് മംഗളൂരു ജംക്‌ഷനിൽ എത്തും. കൊല്ലം, കായംകുളം, ആലപ്പുഴ, എറണാകുളം, ആലുവ, തൃശൂർ, ഷൊർണൂർ, തിരൂർ, കോഴിക്കോട്, വടകര, തലശ്ശേരി, കണ്ണൂർ, പയ്യന്നൂർ, കാഞ്ഞങ്ങാട്, കാസർഗോഡ് എന്നിവിടങ്ങളിൽ സ്‌റ്റോപ്പുകളുണ്ട്.