കൊളച്ചേരി :- തളിപ്പറമ്പ് നിയമസഭാ നിയോജക മണ്ഡലത്തിലെ വിവിധ മേഖലകളിൽ ശ്രദ്ധേയ പ്രവർത്തനം കാഴ്ചവെക്കുന്ന സ്ഥാപനങ്ങൾക്കും വ്യക്തികൾക്കുമായി എം.എൽ.എയുടെ നേതൃത്വത്തിൽ ഏർപ്പെടുത്തിയ എക്സലൻസ് പുരസ്കാരത്തിന് കൊളച്ചേരി ഇ.പി കൃഷ്ണൻ നമ്പ്യാർ സ്മാരക എ.എൽ.പി സ്കൂൾ പിടിഎ അർഹമായി.
ഭൗതികവും അക്കാദമികവുമായ മികവുകൾക്കൊപ്പം നൂതന പ്രവർത്തനങ്ങളും പരിഗണിച്ചുകൊണ്ടാണ് ഈ അവാർഡ്. തളിപ്പറമ്പ് ഏഴാം മൈൽ ഹജ്മുസ് കൺവെൻഷൻ സെന്ററിൽ നടന്ന ചടങ്ങ് പൊതുമരാമത്ത് ടൂറിസം വകുപ്പ് മന്ത്രി പി.എ മുഹമ്മദ് റിയാസ് ഉദ്ഘാടനം ചെയ്തു. പുരസ്കാരം എംഎൽഎ എം വി ഗോവിന്ദൻ മാസ്റ്ററിൽ നിന്ന് പിടിഎ പ്രസിഡൻറ് ടിവി സുമിത്രൻ, മദേർസ് ഫോറം പ്രസിഡൻറ് നമിത പ്രദോഷ്, എസ് എസ് ജി ചെയർമാൻ പി പി കുഞ്ഞിരാമൻ പ്രഥമാധ്യാപകൻ വി.വി ശ്രീനിവാസൻ, എസ് എസ് ജി വൈസ് ചെയർമാൻ കെ.വി.ശങ്കരൻ, പി.ടി.എ വൈസ് പ്രസിഡൻ്റ് കെ.എ. പ്രിയ, മദേർസ് ഫോറം വൈസ് പ്രസിഡൻ്റ്മാരായ രോഷിന ടി.പി നീതു .ടി എന്നിവർ ചേർന്ന് ഏറ്റുവാങ്ങി.
കൊളച്ചേരി പഞ്ചായത്തിലെ മികച്ച വിദ്യാർഥികർഷകയായി കൃഷിഭവൻ തെരഞ്ഞെടുത്ത സ്കൂൾ വിദ്യാർഥി അൻവിയ.ടി യെ ചടങ്ങിൽ അനുമോദിച്ചു.
