ചേലേരി :- CPlM ചേലേരി ലോക്കൽ സമ്മേളനം സംഘടിപ്പിച്ചു. സമ്മേളനത്തിൽ കെ.അനിൽ കുമാർ സെക്രട്ടറിയായി 13 അംഗ ലോക്കൽ കമ്മിറ്റിയെ തെരെഞ്ഞെടുത്തു.
വാഹനങ്ങളെയും ജനങ്ങളേയും വലിയ രീതിയിൽ ബുദ്ധിമുട്ടിലാക്കുന്ന ചേലേരിമുക്കിൽ സ്ഥിരമായി ഉണ്ടാകുന്ന ഗതാഗത കുരുക്കിന് പരിഹാരം കാണണമെന്ന് CPlM ചേലേരി ലോക്കൽ സമ്മേളനം ആവശ്യപ്പെട്ടു. മയ്യിൽ പ്രദേശത്ത് നിന്നും കണ്ണൂരിലേക്കും, കണ്ണൂരിൽ നിന്ന് തളിപ്പറമ്പ് - പറശ്ശിനിക്കടവ് - മുണ്ടേരി ഭാഗത്തേക്കും വാരംകടവ് ഭാഗത്തേക്കും കമ്പിൽ പ്രദേശങ്ങളിലേക്കും എളുപ്പത്തിൽ എത്തിച്ചേരാൻ സാധിക്കുന്ന പ്രധാന വഴിയാണ് ചേലേരിമുക്ക്. റോഡ് വികസനം ഉണ്ടായാൽ മാത്രമേ ഈ ഗതാഗത കുരുക്കിന് ശാശ്വത പരിഹാരം ഉണ്ടാക്കാൻ പറ്റുകയുള്ളു. ഇത് പരിഹരിക്കുന്നതിന് ബന്ധപ്പെട്ട അധികാരികൾ തയ്യാറാകണമെന്നും CPlM ചേലേരി ലോക്കൽ സമ്മേളനം ആവശ്യപ്പെട്ടു.
മാലോട്ട് എ.എൽ പി സ്കൂളിൽ നടന്ന സമ്മേളനം സി.പി.ഐ.എം ജില്ലാ കമ്മിറ്റി അംഗം എ.കെ മുരളി ഉദ്ഘാടനം ചെയ്തു. പി.വി ഉണ്ണികൃഷ്ണൻ, പി. ഇന്ദിര, പി.കെ രവീന്ദ്രനാഥ്‌ അടങ്ങിയ പ്രസീഡിയം സമ്മേളന നടപടികൾ നിയന്ത്രിച്ചു. എൻ.അനിൽകുമാർ, കെ.വി പവിത്രൻ, കെ.ബൈജു, എം.വി സുശീല, വത്സൻ മാസ്റ്റർ എന്നിവർ സംസാരിച്ചു. പി.രഘുനാഥൻ നന്ദി പറഞ്ഞു. ചേലേരി AUP സ്കൂളിന് സമീപം സ: കോടിയേരി നഗറിൽ റെഡ് വളണ്ടയിർ മാർച്ചോടെ പൊതുസമ്മേളനം നടന്നു. എം.കെ മുരളി, ദീഷ്ണ പ്രസാദ്, എൻ അനിൽ കുമാർ എന്നിവർ സംസാരിച്ചു.
