കോഴിക്കോട് :- കുംഭമേളയില്‍ വൈറലായ മൊണാലിസ കേരളത്തിലേക്ക് എത്തുന്നു. ഫെബ്രുവരി പതിനാലാം തീയതി മൊണാലിസ കോഴിക്കോട് എത്തുമെന്ന് വ്യവസായി ബോബി ചെമ്മണൂരാണ് പ്രഖ്യാപിച്ചത്. ബോബി ചെമ്മണൂർ സമൂഹിക മാധ്യമത്തിൽ പങ്കുവെച്ച വീഡിയോയില്‍ താന്‍ കോഴിക്കോടേക്ക് എത്തുന്നു എന്ന് മൊണാലിസ പറയുന്നുണ്ട്. ബോബി ചെമ്മണ്ണൂര്‍ പങ്കുവെച്ച വീഡിയോ നിമിഷങ്ങള്‍ക്ക് ഉള്ളില്‍ തന്നെ വൈറലായി. നിരവധി പേരാണ് വീഡിയോക്ക് താഴെ കമന്റുമായി എത്തിയിരിക്കുന്നത്.
മഹാകുംഭമേള നടക്കുന്ന പ്രയാഗ് രാജില്‍ മാല വില്‍ക്കാൻ എത്തിയ 16-കാരിയാണ് മോണി ബോസ്ലെ എന്ന മൊണാലിസ. മോണിയുടെ ദൃശ്യങ്ങള്‍ ആരോ സാമൂഹിക മാധ്യമങ്ങളില്‍ പ്രചരിപ്പിച്ചതോടെ കണ്ണടച്ച് തുറക്കുന്ന വേഗത്തിലാണ് വൈറലായത്. മോണി ബോസ്ലെയെ സാമൂഹിക മാധ്യമങ്ങളില്‍ 'മൊണാലിസ' എന്നാണ് വിശേഷണം. ചിരിയും ചാര കണ്ണുകളും സുന്ദരമാണെന്നും അഭിപ്രായങ്ങൾ ഉയര്‍ന്നു. 'ബ്രൗണ്‍ ബ്യൂട്ടി' എന്നും ഈ 16-കാരിയെ വിശേഷിപ്പിച്ചു. ഇതിനിടെ മോണിയ്ക്ക് ബോളിവുഡിലേക്ക് എന്‍ട്രിയും ലഭിച്ചു. സംവിധായകന്‍ സനോജ് മിശ്രയാണ് അടുത്ത ചിത്രത്തില്‍ മോണിയാകും നായിക എന്ന് പ്രഖ്യാപിച്ചത്.
