മയ്യിൽ :- കേന്ദ്ര ആഭ്യന്തരമന്ത്രി അമിത്ഷായുടെ സന്ദർശനത്തോടനുബന്ധിച്ച് നാളെ ജൂലൈ 12 ശനിയാഴ്ച വൈകുന്നേരം 4 മണി മുതൽ 7 മണി വരെ പോലീസ് ഗതാഗത നിയന്ത്രണം ഏർപ്പെടുത്തി. മട്ടന്നൂർ എയർപോർട്ട് റോഡ് - മട്ടന്നൂർ - ചാലോട് - കൊളോളം - വടുവൻകുളം - മയ്യിൽ - നണിച്ചേരിക്കടവ് ഭാഗങ്ങളിലാണ് ഗതാഗത നിയന്ത്രണം ഏർപ്പെടുത്തിയിട്ടുള്ളത്.
കണ്ണൂരിൽ നിന്നും എയർപോർട്ട് ഭാഗത്തേക്ക് പോകുന്ന വാഹനങ്ങൾ മേലെചൊവ്വ, താഴെചൊവ്വ, ചക്കരക്കൽ, അഞ്ചരക്കണ്ടി വഴി മട്ടന്നൂരിലേക്ക് പോവേണ്ടതാണ്. തളിപ്പറമ്പിൽ നിന്നും എയർപോർട്ട് ഭാഗത്തേക്ക് വരുന്ന വാഹനങ്ങൾ തളിപ്പറമ്പ്, ചിറവക്ക്, ധർമ്മശാല വഴി കണ്ണൂരിലേക്ക് പോവേണ്ടതാണ്.
