കൊച്ചി :- ടിപ്പർ ലോറിയുടെ ഡംപ് ബോക്സിന് അടിയിൽപ്പെട്ട് യുവാവ് മരിച്ചു. നെട്ടൂർ സ്വദേശി സുജിൽ (26) ആണ് മരിച്ചത്. ഉദയംപേരൂർ നെടുവേലി ക്ഷേത്രത്തിന് സമീപം രാത്രി എട്ടു മണിയോടെയായിരുന്നു അപകടം. ലോറിയുടെ ഡംപ് ബോക്സ് ഉയർത്തി വച്ചിരിക്കുകയായിരുന്നു. മഴ നനയാതിരിക്കാൻ ഇതിനടിയിലേക്ക് സുജിൽ കയറി നിന്നു. ഈ സമയം ഡംപ് ബോക്സ് നിലത്തേക്ക് പതിച്ചായിരുന്നു അപകടം. ഡംപ് ബോക്സിനും ചെയ്സിനും ഇടയിലേക്ക് സുജിൽ പെടുകയായിരുന്നു.
