ഇൻഡിഗോ കണ്ണൂർ - ഡൽഹി സർവീസ് പ്രതിദിനമാക്കി

മട്ടന്നൂർ :- കണ്ണൂർ രാജ്യാന്തര വിമാനത്താവളത്തിൽ നിന്നുള്ള ഇൻഡിഗോയുടെ കണ്ണൂർ-ഡൽഹി സർവീസ് പ്രതിദിന സർവീസായി ഉയർത്തി. ഡൽഹി വിമാനത്താവളത്തിൽ റൺവേ നവീകരണത്തിന്റെ ഭാഗമായാണു ജൂൺ 15 മുതൽ സെപ്റ്റംബർ 14 വരെ ഇൻഡിഗോ എയർലൈൻസിന്റെ കണ്ണൂർ- ഡൽഹി സർവീസ് കുറച്ചത്. 

ആഴ്ചയിൽ 7 ദിവസവും സർവീസ് നടത്തിയിരുന്നത് 3 ദിവസമായി കുറയ്ക്കുകയായിരുന്നു. 176 പേരെ ഉൾക്കൊള്ളുന്ന വിമാനത്തിനു പകരം 232 പേർക്കു യാത്ര ചെയ്യാൻ കഴിയുന്ന വിമാനമാകും കണ്ണൂരിനും ഡൽഹിക്കുമിടയിൽ സർവീസ് നടത്തുക.