കണ്ണൂർ :- പൊതുതിരഞ്ഞെടുപ്പിന് മുന്നോടിയായി നിയോജക മണ്ഡലങ്ങളുടെയും വാർഡുകളുടെയും സംവരണക്രമം നറുക്കെടുപ്പിലൂടെ തീരുമാനിക്കുന്നതിന് ഉദ്യോഗസ്ഥരെ അധികാരപ്പെടുത്തിയും തീയതിയും സമയവും സ്ഥലവും നിശ്ചയിച്ചും സംസ്ഥാന തിരഞ്ഞെടുപ്പ് കമ്മിഷൻ വിജ്ഞാപനം പുറപ്പെടുവിച്ചു. ഇതുപ്രകാരം കൊളച്ചേരി പഞ്ചായത്ത് സംവരണ വാർഡുകളുടെ തെരഞ്ഞെടുപ്പ് ഒക്ടോബർ 13 ന് കണ്ണൂർ കലക്ട്രേറ്റ് ഓഡിറ്റോറിയത്തിൽ വെച്ച് നടക്കും. മയ്യിൽ പഞ്ചായത്ത് ഒക്ടോബർ 15, നാറാത്ത് പഞ്ചായത്ത് ഒക്ടോബർ 14, കുറ്റ്യാട്ടൂർ പഞ്ചായത്ത് ഒക്ടോബർ 15 എന്നിങ്ങനെയും സംവരണ വാർഡുകളുടെ തെരഞ്ഞെടുപ്പ് നടക്കും.
സ്ത്രീ, പട്ടികജാതി സ്ത്രീ, പട്ടിക വർഗം എന്നീ വിഭാഗങ്ങൾക്ക് വർഗ സ്ത്രീ, പട്ടികജാതി, പട്ടിക സംവരണം ചെയ്തിട്ടുള്ളത്രയും എണ്ണം സ്ഥാനങ്ങൾ ആവർത്തന ക്രമമനുസരിച്ച് ഏത് നിയോജക മണ്ഡലങ്ങൾ, വാർഡുകൾക്കാണ് നൽകേണ്ടതെന്ന് തീരുമാനിക്കുന്നതിനാണ് നറുക്കെടുപ്പ് നടത്തുന്നത്. ഗ്രാമ, ബ്ലോക്ക്, ജില്ലാ പഞ്ചായത്തുകളുടെ സംവരണം നിശ്ചയിക്കുന്നതിന് ജില്ലാ തിരഞ്ഞെടുപ്പ് ഉദ്യോഗസ്ഥനായ കളക്ടറെയും മുനിസിപ്പൽ കൗൺസിലുകളിലേതിന് തദ്ദേശസ്വയംഭരണ വകുപ്പ് ജില്ലാ ജോയിന്റ് ഡയറക്ടർമാരെയും, മുനിസിപ്പൽ കോർപ്പറേഷനുകളിലേതിന് തദ്ദേശസ്വയംഭരണവകുപ്പ് അർബൻ ഡയറക്ടറെയുമാണ് അധികാരപ്പെടുത്തി വിജ്ഞാപനം പുറപ്പെടുവിച്ചത്. വിജ്ഞാപനം തിരഞ്ഞെടുപ്പ് കമ്മിഷൻ്റെ വെബ് സൈറ്റിൽ ലഭിക്കും.
ജില്ലയിലെ 71 ഗ്രാമപ്പഞ്ചായത്തുകളിലേക്ക് 13 മുതൽ 16 വരെയാണ് നറുക്കെടുപ്പ്. ജില്ലയിൽ രാവിലെ 10-ന് കളക്ടറേറ്റ് ഓഡിറ്റോറിയത്തിലാണ് നറുക്കെടുപ്പ്. 11 ബ്ലോക്ക് പഞ്ചായത്തുകളിലെ നിയോജക മണ്ഡലങ്ങളുടെ സംവരണം നിശ്ചയിക്കുന്നതിനുള്ള നറുക്കെടുപ്പ് 18-ന് രാവിലെ 10-ന് കളക്ടറേറ്റ് ഓഡിറ്റോറിയത്തിൽ നടത്തും. ജില്ലാപഞ്ചായത്തിലെ നിയോജകമണ്ഡലങ്ങളുടെ സംവരണം നിശ്ചയിക്കുന്നതിനുള്ള നറുക്കെടുപ്പ് 21 ന് രാവിലെ 10-നും കളക്ടറേറ്റ് കോൺഫറൻസ് ഹാളിൽ നടക്കും. കണ്ണൂർ കോർപ്പറേഷനിലെ നറുക്കെടുപ്പ് 21-ന് രാവിലെ 11.30-ന് മാനാഞ്ചിറ ടൗൺ ഹാളിൽ നടത്തും. ജില്ലയിലെ മട്ടന്നൂർ ഒഴികെയുള്ള എട്ട് മുനിസിപ്പൽ കൗൺസിലുകളിലേയ്ക്കുള്ള വാർഡ് സംവരണത്തിനുള്ള നറുക്കെടുപ്പ് 16ന് രാവിലെ 10-ന് കളക്ടറേറ്റ് കോൺഫറൻസ് ഹാളിൽ നടക്കും.
നറുക്കെടുപ്പിനുള്ള സ്ഥലങ്ങളും സമയവും
പയ്യന്നൂർ, എടക്കാട് ബ്ലോക്കിന് കീഴിലെ ഗ്രാമപ്പഞ്ചായത്തുകൾ: 13-ന് രാവിലെ 10-ന് കളക്ടറേറ്റ് ഓഡിറ്റോറിയം, കല്യാശ്ശേരി, കണ്ണൂർ, തളിപ്പറമ്പ് ബ്ലോക്കിന് കീഴിലെ ഗ്രാമപ്പഞ്ചായത്തുകൾ: 14-ന് രാവിലെ 10-ന് കളക്ടറേറ്റ് ഓഡിറ്റോറിയം. ഇരിക്കൂർ, പാനൂർ, ഇരിട്ടി ബ്ലോക്കിന് കീഴിലെ ഗ്രാമപ്പഞ്ചായത്തു കൾ: 15-ന് രാവിലെ 10-ന് കളക്ടറേറ്റ് ഓഡിറ്റോറിയം. തലശ്ശേരി, കൂത്തുപറമ്പ്, പേരാവൂർ ബ്ലോക്കിന് കീഴിലെ ഗ്രാമപ്പഞ്ചായത്തുകൾ: 16-ന് രാവിലെ 10-ന് കളക്ടറേറ്റ് ഓഡിറ്റോറിയം. തളിപ്പറമ്പ്, കൂത്തുപറമ്പ്, തലശ്ശേരി, പയ്യന്നൂർ, ഇരിട്ടി, പാനൂർ, ശ്രീകണ്ഠപുരം, ആന്തൂർ നഗരസഭകൾ: 16-ന് രാവിലെ 10-ന് കളക്ടറേറ്റ് കോൺഫറൻസ് ഹാളിൽ നടക്കും.
