ദുബായ് :- അടുത്ത മാസം നടക്കുന്ന പ്രദർശനത്തിൽ ഇസ്രായേലി സ്ഥാപനങ്ങൾ പങ്കെടുക്കില്ലെന്ന് സംഘാടകർ അറിയിച്ചു. ദുബായ് എയർഷോ 2025 ന്റെ പത്രസമ്മേളനത്തിൽ സംസാരിക്കവെ ഇൻഫോർമയുടെ മാനേജിംഗ് ഡയറക്ടർ തിമോത്തി ഹാവെസ് ആണ് അറിയിപ്പ് നൽകിയത്.
ദുബായ് എയർഷോയുടെ ഏറ്റവും വലിയ പതിപ്പിൽ ഏകദേശം 98 രാജ്യങ്ങൾ പങ്കെടുക്കുന്നുണ്ട്. പ്രസ്തുത ഷോയിൽ 20 രാജ്യ പവലിയനുകളും ഉണ്ടായിരിക്കും. ഇസ്രായേൽ ഈ വർഷം ദുബായ് എയർഷോയിൽ പങ്കെടുക്കില്ലെന്ന് ഇസ്രായേൽ മാധ്യമങ്ങൾ നേരത്തെ റിപ്പോർട്ട് ചെയ്തിരുന്നു.
