ശബരിമല ദർശനം ; ഡിസംബർ 25 വരെയുള്ള വെർച്വൽ ക്യൂ ബുക്കിങ് പൂർത്തിയായി


ശബരിമല :- ശബരിമല ദർശനത്തിനുള്ള വെർച്വൽ ക്യു ബുക്കിങ് ഡിസംബർ 25 വരെ പൂർത്തിയായി. മണ്ഡല കാലത്തെ വെർച്വൽ പൂർത്തിയായി. ക്യൂ ബുക്കിങ് തങ്ക അങ്കി ഘോഷയാത്ര എത്തുന്ന 26ന് ഉച്ചപൂജ കഴിഞ്ഞു നട അടച്ചാൽ തങ്ക അങ്കി ചാർത്തി ദീപാരാധന നടക്കുന്നതു വരെ തീർഥാടകർക്കു പതിനെട്ടാംപടി കയറി ദർശനത്തിനു നിയന്ത്രണമുണ്ട്. 27ന് ഉച്ചയ്ക്കാണു മണ്ഡലപൂജയെന്നതിനാൽ അന്നു രാവിലെ 10 വരെ മാത്രമാണു നെയ്യഭിഷേകം.

വെർച്വൽ ക്യൂ കിട്ടാത്തവർ സ്പോട്ട് ബുക്കിങ് വഴിയാണ് ദർശനം നടത്തേണ്ടത്. തിരക്കുള്ള ദിവസങ്ങളിൽ 5000 പേരെ വരെയേ അനുവദിക്കൂ എന്നതിനാൽ എത്തുന്ന എല്ലാവർക്കും സ്പോട്ട് ബുക്കിങ് കിട്ടണമെന്നില്ല. ഇന്നലെ ഉച്ചവരെ തിരക്കു കുറവായിരുന്നു. എന്നാൽ സന്ധ്യയ്ക്കു ശേഷം നല്ല തിരക്കായി. പടി കയറാൻ നീണ്ടനിരയാണ്.

Previous Post Next Post