പാട്ടയം :- കൊളച്ചേരി ഗ്രാമപഞ്ചായത്തിലെ പാട്ടയം വാർഡ് 18 ൽ റോഡുകളിൽ ദിശ സൂചിക ബോർഡുകൾ സ്ഥാപിച്ചു. പാട്ടയം വാർഡ് മെമ്പർ റിസ്വാന പി പി യുടെ അധ്യക്ഷതയിൽ കൊളച്ചേരി ഗ്രാമപഞ്ചായത്ത് പ്രസിഡണ്ട് ഷമീമ ടി വി ഉദ്ഘാടനം നിർവഹിച്ചു.കണ്ണൂർ ജില്ലാ പഞ്ചായത്ത് മെമ്പർ കോടിപ്പോയിൽ മുസ്തഫ മുഖ്യാതിഥിയായി എടക്കാട് ബ്ലോക്ക് മെമ്പർ നസീർ പി കെ പി, മുസ്ലിം ലീഗ് കൊളച്ചേരി പഞ്ചായത്ത് ജനറൽ സെക്രട്ടറി ആറ്റക്കോയ തങ്ങൾ പിടിപി , കൊളച്ചേരി കോൺഗ്രസ് മണ്ഡലം ട്രഷറർ മുസ്തഫ എന്നിവർ സംസാരിച്ചു.
ചടങ്ങിൽ മുസ്ലിം ലീഗ് ശാഖ പ്രസിഡണ്ട് ഹനീഫ പാട്ടയം സ്വാഗതവും യൂത്ത് ലീഗ് തളിപ്പറമ്പ് നിയോജകമണ്ഡലം ട്രഷറർ ജാബിർ പാട്ടയം നന്ദിയും പറഞ്ഞു.
