പള്ളിപ്പറമ്പ്:-ലോകകപ്പ് ഫുട്ബോൾ മാമാങ്കത്തിന് കിക്കോഫ് കുറിക്കാൻ മണിക്കൂറുകൾ മാത്രം ബാക്കിനിൽക്കെ പള്ളിപ്പറമ്പിൽ ഫുട്ബോൾ ലഹരി വാനോളമുയർത്തി കായികപ്രേമികൾ. ഗ്രാമങ്ങളിലെങ്ങും ഇപ്പോൾ കാൽപ്പന്തു കളിയുടെ ചർച്ചകളും ആവേശവുമാണ് നിറഞ്ഞുനിൽക്കുന്നത്.
നാട്ടിലെ ഫുട്ബോൾ പോരാട്ടങ്ങൾക്ക് ആവേശം കൂട്ടിക്കൊണ്ട് പള്ളിപ്പറമ്പിൽ അർജന്റീന ഫാൻസിന്റെ നേതൃത്വത്തിൽ 50 അടി നീളമുള്ള കൂറ്റൻ ഫ്ലക്സ് ബോർഡ് സ്ഥാപിച്ചു. പ്രിയ താരങ്ങളുടെ ചിത്രങ്ങൾ അടങ്ങിയ ഈ ഭീമൻ ഫ്ലക്സ് ഇതിനോടകം തന്നെ നാട്ടിലെ പ്രധാന ആകർഷണമായി മാറിക്കഴിഞ്
അർജന്റീന മാത്രമല്ല, മറ്റ് പ്രമുഖ ടീമുകളുടെ ആരാധകരും ഒട്ടും പിന്നിലല്ല. ബ്രസീൽ, ഇംഗ്ലണ്ട്, , ജർമനി, തുടങ്ങിയ വൻശക്തികളുടെ ആരാധകരും തങ്ങളുടെ പ്രിയപ്പെട്ട ടീമുകൾക്ക് പിന്തുണ പ്രഖ്യാപിച്ച് രംഗത്തിറങ്ങിയിട്ടുണ്ട്. കവലകളിലും വഴിയോരങ്ങളിലും വിവിധ രാജ്യങ്ങളുടെ കൊടിതോരണങ്ങൾ ഉയർന്നു കഴിഞ്ഞു.
വരും ദിവസങ്ങളിൽ കൂടുതൽ ഫ്ലക്സ് ബോർഡുകളും കട്ടൗട്ടുകളും ഉയരുന്നതോടെ കൊളച്ചേരിയിലെ ഫുട്ബോൾ പൂരം കൂടുതൽ കളർഫുള്ളാകുമെന്ന പ്രതീക്ഷയിലാണ് നാട്ടുകാർ. വലിപ്പച്ചെറുപ്പമില്ലാതെ പ്രായഭേദമന്യേ എല്ലാവരും ഇപ്പോൾ ഈ ഫുട്ബോൾ ലഹരിയിലാണ്.
