തിരുവനന്തപുരം :- മഹാത്മാവിൻ്റെ ദീപ്തസ്മരണയുണർത്തുന്ന ഗാന്ധിജയന്തിയോടനുബന്ധിച്ച് തിരുവനന്തപുരം കിഴക്കേക്കോട്ട ഗാന്ധിപാർക്കിലെ മഹാത്മാഗാന്ധിയുടെ പ്രതിമയിൽ മുഖ്യമന്ത്രി പിണറായി വിജയൻ ഹാരാർപ്പണവും പുഷ്പാഞ്ജലിയും നടത്തി. സഹകരണ മന്ത്രി കടകംപള്ളി സുരേന്ദ്രൻ, വി.എസ്. ശിവകുമാർ എം.എൽ.എ, മേയർ കെ. ശ്രീകുമാർ, ജില്ലാ പഞ്ചായത്ത് പ്രസിഡന്റ് വി.കെ മധു, കൗൺസിലർ എസ്.കെ.പി രമേശ്, ഇൻഫർമേഷൻ പബ്ലിക് റിലേഷൻസ് വകുപ്പ് സെക്രട്ടറി പി. വേണുഗോപാൽ, ഡയറക്ടർ എസ്. ഹരികിഷോർ എന്നിവർ പങ്കെടുത്തു. കോവിഡ് മാനദണ്ഡങ്ങൾ പാലിച്ചായിരുന്നു ചടങ്ങ്. സംസ്ഥാനത്ത് ഗാന്ധിജയന്തി ദിനത്തിൽ ജില്ലാതലത്തിലും വിവിധ സംഘടനകളും വ്യത്യസ്ഥമായ പരിപാടികൾ സംഘടിപ്പിക്കുന്നുണ്ട്.
