കണ്ണാടിപ്പറമ്പ്:- കണ്ണാടിപ്പറമ്പ് ധർമശാസ്താക്ഷേത്രത്തിലെ ഒൻപതാമത് മഹാരുദ്രയജ്ഞം ഒക്ടോബർ 31 മുതൽ നടക്കും. ക്ഷേത്രം തന്ത്രി കരുമാരത്തില്ലത്ത് പരമേശ്വരൻ നമ്പൂതിരിപ്പാട്, യജ്ഞാചാര്യൻ കീഴേടം രാമൻ നമ്പൂതിരി എന്നിവർ കാർമികത്വം വഹിക്കും.
യജ്ഞവേദിയിൽ എല്ലാ ദിവസവും രാവിലെ അഞ്ചു മുതൽ ഗണപതിഹോമം, ശ്രീരുദ്ര കലശപൂജ, ശ്രീരുദ്രഹോമം, രുദ്രാഭിഷേകം എന്നിവയും ധർമശാസ്താ ക്ഷേത്രത്തിൽ എല്ലാ ദിവസവും ഉച്ചയ്ക്ക് വടക്കേകാവിൽ കലശം, വൈകീട്ട് ഭഗവതിസേവ, ദീപാരാധന എന്നിവയും ഉണ്ടാകും.
11ന് രാവിലെ വസോർധാരയും മഹാരുദ്രാഭിഷേകവും നടക്കും. കോവിഡ് മാനദണ്ഡങ്ങൾ പാലിച്ച് രാവിലെ ആറുമുതൽ 11വരെയും വൈകീട്ട് ആറുമുതൽ എട്ടുവരെയും ദർശനസൗകര്യം അനുവദിക്കും.
