കമ്പിൽ :- തളിപ്പറമ്പ് മണ്ഡലം സമഗ്ര വിദ്യാഭ്യാസ പദ്ധതിയുടെ ഭാഗമായി SSLC ,+2 വിദ്യാർത്ഥികളിലെ പരീക്ഷാഭയം അകറ്റാനായി സംഘടിപ്പിക്കുന്ന സ്കൂൾതല ബോധവൽക്കരണ ക്ലാസ്സ്‌ പരിരക്ഷ '23 കമ്പിൽ മാപ്പിള ഹയർ സെക്കന്ററി സ്കൂളിൽ വെച്ച് സംഘടിപ്പിച്ചു.
സ്കൂൾ ഹെഡ്മിസ്ട്രസ്സ് സുധർമ്മ. ജി അധ്യക്ഷയായ ചടങ്ങ് കൊളച്ചേരി പഞ്ചായത്ത്‌ പ്രസിഡന്റ് അബ്ദുൾ മജീദ് കെ . പി ഉദ്ഘാടനം ചെയ്തു.
ഡോ. ജിതോയ് പി.കെ കുട്ടികൾക്കുള്ള ക്ലാസ്സ്‌ കൈകാര്യം ചെയ്തു. കുട്ടികളുടെ പരീക്ഷാഭയം അകറ്റുന്നതിനുള്ള മാർഗങ്ങളും , പരീക്ഷാ മുന്നൊരുക്കങ്ങളായി ചെയ്യേണ്ട കാര്യങ്ങളും ലളിതമായും രസകരമായും ക്ലാസ്സിൽ അവതരിപ്പിച്ചു. SSLC പരീക്ഷയ്ക്ക് തയ്യാറെടുക്കുന്ന 254 കുട്ടികൾ ക്ലാസ്സിൽ പങ്കെടുത്തു.
സ്കൂൾ പ്രിൻസിപ്പൽ രാജേഷ്. കെ, സ്വാഗതവും, സീനിയർ അധ്യാപകൻ നസീർ. എൻ നന്ദിയും അർപ്പിച്ച് സംസാരിച്ചു.
