മയ്യിൽ : സമ്പൂർണ പൊതുവിദ്യാലയ പ്രവേശന പ്രചാരണവുമായി ബന്ധപ്പെട്ട് കെ.എസ്.ടി.എ യുടെ നേതൃത്വത്തിൽ 'അധ്യാപകർ കുട്ടികളുടെ വീടുകളിലേക്ക് പരിപാടിക്ക് തുടക്കമായി.
ജില്ലാതല ഉദ്ഘാടനം കെ.വി. സുമേഷ് എം.എൽ.എ. ഉദ്ഘാടനം ചെയ്തു. കണ്ണൂർ ബ്ലോക്ക് പഞ്ചായത്ത് പ്രസിഡന്റ് കെ.സി. ജിഷ അധ്യക്ഷയായി. കെ.എസ്.ടി.എ. സംസ്ഥാന വൈസ് പ്രസിഡന്റ് കെ.സി. മഹേഷ്, ജില്ലാ സെക്രട്ടറി കെ. ശശീന്ദ്രൻ, കെ.സി. സുധീർ, സംസ്ഥാന കമ്മിറ്റി അംഗം കെ.സി. സുനിൽ, ജില്ലാ ജോയിൻറ് സെക്രട്ടറി കെ. പ്രകാശൻ എന്നിവർ സംസാരിച്ചു.
