കരിങ്കൽക്കുഴി :- ഭാവന പുരസ്കാര വിതരണം ഭാവനയുടെ ആറാമത് നാടകോത്സവത്തിന്റെ സമാപനദിവസമായ നാളെ നവംബർ 19 ന് ഞായറാഴ്ച വൈകുന്നേരം 7 മണിക്ക് പ്രശസ്ത ചിത്രകാരനും സാംസ്കാരിക പ്രവർത്തകനുമായ എബി.എൻ ജോസഫ് നിർവ്വഹിക്കും.
നാടക രംഗത്തെ സമഗ്ര സംഭാവനക്കായി ഭാവന കരിങ്കൽക്കുഴി ഏർപ്പെടുത്തിയ ഭാവന പുരസ്കാരത്തിന് കെ.എം. രാഘവൻ നമ്പ്യാരെയാണ് തെരഞ്ഞെടുത്തത്. നാടകരംഗത്ത് ഏഴുപതിറ്റാണ്ട് നീളുന്ന സമർപ്പിത ജീവിതമാണ് കെ.എം.ആറിന്റേത്.
രചയിതാവായും, സംവിധായകനായും, നടനെന്ന നിലയിലും നാടകത്തിന്റെ ഏല്ലാ മേഖലയിലും കയ്യൊപ്പ് പതിപ്പിച്ച നാടക പ്രവർത്തകനാണ് അദ്ദേഹം. ഞായറാഴ്ച നടക്കുന്ന ചടങ്ങിൽ വച്ച് പുരസ്കാര വിതരണം നടത്തുമെന്ന് ഭാരവാഹികൾ അറിയിച്ചു.
