.jpg)
കണ്ണൂർ :- സെര്‍വര്‍ പണിമുടക്കിയതിനാല്‍ റേഷൻ കാർഡ് ആധാറുമായി മസ്റ്ററിങ് താൽക്കാലികമായി നിര്‍ത്തിയെന്ന് മന്ത്രി ജി.ആര്‍ അനില്‍. മുന്‍ഗണന ക്രമത്തിലുള്ള മഞ്ഞ കാര്‍ഡ് ഉടമകള്‍ക്ക് ഇന്ന് മസ്റ്ററിങ് നടത്താനുള്ള ക്രമീകരണം ഒരുക്കാനും മന്ത്രി നിര്‍ദേശിച്ചു.
പിങ്ക്‌ കാര്‍ഡ് ഉള്ളവര്‍ക്ക് നാളെ മുതല്‍ മസ്റ്ററിങ് നടത്താന്‍ ആവശ്യമായ ക്രമീകരണങ്ങള്‍ ഒരുക്കും. ഇന്ന് ഉച്ചയോടെ സാങ്കേതിക വിദഗ്ധരുമായി ചര്‍ച്ച നടത്തിയ ശേഷം തുടര്‍ നടപടികള്‍ സ്വീകരിക്കും എന്നും മന്ത്രി പറഞ്ഞു.
