മട്ടന്നൂർ :- പട്ടാന്നൂരിൽ യുവതിക്കു നേരേ ആസിഡ് ആക്രമണം. കൂടാളി പഞ്ചായത്ത് രണ്ടാം വാർഡിലെ ആശാ പ്രവർത്തകയായ പട്ടാന്നൂരിലെ കെ.കമലയ്ക്ക് (49) നേരേയാണ് ഭർത്താവിന്റെ ആസിഡ് ആക്രമണമുണ്ടായത്. സംഭവത്തിൽ ഭർത്താവ് കെ.പി അച്യുതൻ (58) അറസ്റ്റിലായി.
ബുധനാഴ്ച രാവിലെ 11.30 ഓടെയായിരുന്നു സംഭവം. പട്ടാന്നൂർ നിടുകുളത്തെ വീട്ടിൽ വെച്ചാണ് ദേഹത്ത് ആസിഡ് ഒഴിച്ചതെന്ന് യുവതി മട്ടന്നൂർ പോലീസിൽ നൽകിയ പരാതിയിൽ പറയുന്നു. മുഖത്തും തലയ്ക്കും ചെവിക്കും നെഞ്ചിലും പൊള്ളലേറ്റ യുവതി കണ്ണൂരിലെ സ്വകാര്യ ആശുപത്രിയിൽ ചികിത്സയിലാണ്.
