തിരുവനന്തപുരം :- സർക്കാർ അംഗീകാരമുള്ള അൺ എയ്ഡഡ് ഹയർ സെക്കൻഡറി സ്‌കൂളുകൾക്കും നിലവിലുള്ള ബാച്ചുകളിൽ 10% അധിക സീറ്റ് അനുവദിക്കാൻ മന്ത്രിസഭ തീരുമാനിച്ചു. ആവശ്യപ്പെടുന്ന സ്കൂളുകൾക്ക് നിയമപ്രകാരമുള്ള യോഗ്യതയുണ്ടോയെന്നു പൊതുവിദ്യാഭ്യാസ ഡയറക്‌ടർ പരിശോധിച്ചശേഷം വർധന അനുവദിക്കും.
എയ്ഡഡ് സ്കൂളുകൾക്ക് ആവശ്യാനുസരണം 10% മാർജിനൽ സീറ്റ് വർധന അനുവദിക്കാൻ നേരത്തേ തീരുമാനിച്ചിരുന്നു. സർക്കാർ, എയ്ഡഡ് സ്കൂളുകളിലെ പ്ലസ് വൺ മെറിറ്റ് സീറ്റുകളിലേക്കു രണ്ടാം അലോട്മെന്റ് അനുസരിച്ചുള്ള പ്രവേശനം ഇന്നലെ പൂർത്തിയായി. മൂന്നാം അലോട്മെന്റ് 16നു പ്രസിദ്ധീകരിക്കുമെന്നാണു പ്രഖ്യാപിച്ചിരിക്കുന്നതെങ്കിലും 15നു തന്നെ പ്രഖ്യാപിച്ചേക്കും.
