ശബരിമല :- സന്നിധാനത്ത് തീർഥാടകർക്ക് മുറി അനുവദിക്കുക 12 മണിക്കൂറിലേക്ക്. മുറി എടുക്കുന്ന സമയം മുതൽ 12 മണിക്കൂറിനാണ് വാടക കണക്കാക്കുക. അതിന് ശേഷവും മുറി ആവശ്യമുണ്ടെങ്കിൽ നാലുമണിക്കൂർ കൂടി കൂട്ടിയെടുക്കാം. 16 മണിക്കൂറിന് ശേഷവും മുറി ഒഴിയുന്നില്ലെങ്കിൽ അടുത്ത 12 മണിക്കൂറിൻ്റെ വാടകകൂടി നൽകണം.
സെക്യൂരിറ്റി ഡിപ്പോസിറ്റായി മുറിവാടകയ്ക്ക് തുല്യമായ തുക കെട്ടിവെയ്ക്കണം. അക്കോമഡേഷൻ ഓഫീസിൽ നിന്ന് ലഭിക്കുന്ന രസീതുമായി അതത് കെട്ടിടങ്ങളിൽ ചെന്ന് താക്കോൽ വാങ്ങാം. മുറി ഒഴിയുമ്പോൾ കെയർടേക്കറിൽ നിന്ന് രസീതിന് പുറത്ത് എഴുതി വാങ്ങണം. അത് അക്കോമഡേഷൻ ഓഫീസിൽ കാണിച്ചാൽ കെട്ടിവെച്ച തുക തിരിച്ചുകിട്ടും.
