മലപ്പുറം :- തദ്ദേശ തെരഞ്ഞെടുപ്പിൽ നാമ നിർദ്ദേശ പത്രിക സ്വീകരിക്കാത്തതിനെ തുടർന്ന് മലപ്പുറത്ത് പഞ്ചായത്ത് ഓഫീസ് ഗേറ്റ് താഴിട്ട് പൂട്ടി യുവാവ്. മലപ്പുറം നന്നമ്പ്ര പഞ്ചായത്ത് ഓഫീസിൻ്റെ ഗേറ്റാണ് യുവാവ് താഴിട്ട് പൂട്ടിയത്.
സമയം വൈകിയതിനാൽ നാമ നിർദ്ദേശ പത്രിക സ്വീകരിക്കാത്തതിന് പിന്നാലെയാണ് കൊടിഞ്ഞി സ്വദേശി പ്രദീപാണ് ഗേറ്റ് പൂട്ടിയത്. സ്വതന്ത്രനായി മത്സരിക്കാനാണ് പ്രദീപ് ശ്രമിച്ചത്. എന്നാൽ സമയം വൈകിയതിനാൽ നാമ നിർദ്ദേശ പത്രിക സമർപ്പിക്കാൻ കഴിഞ്ഞില്ല. ഇതിൽ പ്രതിഷേധിച്ച് രാത്രിയാണ് ഇയാൾ പഞ്ചായത്ത് ഓഫീസിൻ്റെ ഗേറ്റ് പൂട്ടിയത്.
